Boas festas

Visita de Papá Noel

Hoxe visitounos Papá Noel. Mirade que ben o pasamos.

"Navidades sorprendentes"

Se vos apetece darlles unha sorpresa aos vosos peques podedes acceder á seguinta ligazón na que vos deixan personalizar un vídeo no que os Reis Magos ou Papá Noel van falar cos vosos fillos/as e felicitarlle o Nadal.

Cumples de Decembro

Como este mes se nos fai un pouquiño curto e se vai precipitando a medida que se aproxima a chegada de Papá Noel, decidimos adiantar os cumple para o segundo xoves do mes.
Aquí vos deixamos as fotos do que foi a celebración do cumple de Mateo Maceira e Mateo Miñán.

Manualidades de Nadal

Aquí podedes ver algunhas das cousiñas de Nadal que fixemos na clase cos nosos compañeiros/as e na cas coa nosa familia.

Esta semana a nosa cor é...

Coñecendo a Lola

O noso calendario

O papá de Lucía fíxonos este calendario. Gústavos?
Algún estaría interesado en ter un exemplar?

A cor laranxa

Esta semana a nosa cor é...

Chegou o Nadal

Todos os recursos que teñen que ver co Nadal, ben sexan xogos, panxoliñas, cancións, vídeos ou actividades van aparecer na ligazón superior que ten escrito "Nadal". Premede aí se queredes ver as cousiñas de Nadal que traballamos na clase e coas que nos entretemos.

Aniversarios de novembro

Esta semana festexamos  o cumple de Dani.

Festexando o magosto

Aquí vos deixamos unha pequena mostra fotográfica de como foi a celebración do magosto no noso colexio.
A verdade é que a algúns non lles gustou moito. Aínda non estamos preparados para as festas multitudinarias con música, xogos e liberdade no patio. Pouco a pouco iremos gozando das celebracións.

Coñecendo a Sara

Hai xa unhas poucas semanas Sara foi a nosa encargada e estivemos coñecendo máis cousiñas da súa vida fóra da escola: da súa familia, dos seus xogos favoritos.. e ademais de aprender moitas cousas dela, puidemos ler o seu conto favorito, ver a súa película favorita (un anaquiño só) e xogar cos seus xoguetes preferidos (que nos encantaron).
Aquí vos deixamos unha pequena presentación para que vexades que divertido foi coñecer un pouquiño mellor a Sara.

Hoxe festexamos o Magosto

En breve subiremos máis fotos, mentres tanto podedes observar que fermoso deixou o noso patio do colexio o Outono.

Esta semana a nosa cor é...

Coñecendo a Dani

Aquí vos deixamos a presentación de fotos da semana en que Dani foi o noso encargado.
Agardamos que vos guste e que así poidades coñecer un pouquiño mellor ao noso amigo Dani e á súa familia.
 

Coñecendo a dani from Silvia López

Que será será...

ourizo - Movie Maker

Traballando a cor negra

Despois de adicarlle unha semana á cor branca, decidimos seguir pola cor negra. O que máis nos gustou da cor negra foi a cantidade de alimentos que puidemos probar, e, como non, a festa do Samaín que coincidiu esa semana.

negro - Movie Maker

Esta semana a nosa cor é...

Coñecendo a Noa

Aquí vos deixamos a presentación de fotos da semana que Noa foi a nosa encargada para que vexades cantas cousas aprendemos dela e con ela.

A festa do medo

Aquí vos deixamos unha presentación de fotos do que foi a nosa celebración do Samaín no colexio.
Pasámolo de medo (aínda que algún asustouse un pouco).

samain 2 - Video Maker

Festexando o Samaín

Aquí vos deixamos unha ligazón ao xornal dixital Pontevedrviva, que fala da nosa celebración do Samaín.
 

Vídeos sobre o outono

E agora uns vídeos que nos falan do outono.


 

Xogos de outono

E agora uns xoguiños para o ordenador.

Empezamos axudando a Dora e aos seus amigos e recoller landras.

Que vos parece se agora facemos caras con follas?

Agora imos limpar o chan de tantas follas que caeron esta noite.

E agora un xogo de colorear paisaxes de outono.

Obradoiro de cabazas

Esta semana co gallo do Samaín estivemos realizando un obradoiro de tallado de cabazas cos nenos de 4 e 5 anos.

cabazas - Movie Maker

Traballando coa cor branca

A pasada semana a branca foi a nosa cor e estivemos facendo cousiñas con ela: un día viñemos vestidos de branco, outro día trouxemos obxectos de refugallo e fixemos  un mural, outro día trouxemos algún alimento de cor branca e fixemos unha degustacións, tamén fixemos manualidades de cor branca co gallo do Samaín (pantasmas e esqueletes).
Agardamos que vos guste o noso traballo

branco - Movie Maker

Xogando, cantando e aprendendo co Samaín

Na seguinte ligazón podedes atopar unha actividade Lim sobre o Samaín.

Aquí tedes un xogo para facer crebacabezas e para atopar diferenzas en dúas imaxes.

E aquí un xogo de parellas

E tamén podemos disfrazar un boneco como máis nos guste.

Ou tallar cabazas.

E como nos gusta moito colorear, unha actividade para colorear:

Aquí tedes máis debuxos, neste caso o pato Donald.


E unha presentación sobre as cousas típicas do Samaín.

Samaín from aripf

Esta semana a nosa cor é...

A próxima semana ensinarémosvos algunha das cousiñas que fixemos con tal motivo.

Coñecendo a Diego

A semana do 13 de outubro Diego foi o noso encargado de clase e aprendemos moitas cousas del e da súa familia. Aquí vos deixamos unha pequena presentación do que foi a nosa semana con Diego de protagonista, agardamos que vos guste tanto como a nós.

Festexando o medo

Co gallo do Samaín empezamos a traballar o medo no colexio, e aínda seguimos. Así que á espera da celebración da nosa festa do medo seguimos traballando sobre este centro de interese que tanto nos gusta.

Nesta ocasión é o profe Raúl o que nos preparou un glogster que aglutina moitas cousiñas relacionadas co Samaín.
Premede en cada un dos obxectos para despregar todos os recursos que están agochados.

Vídeos de medo

E como xa falta pouco pouco para o Samaín  imos ver unhas curtas de "medo".



The Monstrejo from Pep Lluis Llado on Vimeo.

Cancións do Samaín

Estas semanas na aula imos escoitar cancións de medo. Aquí vos deixamos algunhas para que vexades canto medo imos pasar e como asustan as nosas cancións.

Películas sobre o samaín

Que mellor forma de empezar a traballar o Samaín que vendo un vídeos de debuxos sobre o tema.

Xa chega o Samaín

As próximas dúas semanas o noso centro de interese vai ser o Samaín e todo o que está relacionado con el. Así que imos empezar cuns contiños que nos gustan moito e dos que aprendemos moitas moitas cousas.

Marcelina e a noite do samaín from Silvia López

Open publication - Free publishing


E outro conto do Samaín e a festa de disfraces.

Conto do samain from Silvia López

Mmmm...

Os nenos/as levaron hoxe unha nota que igual non esperabades pero que para nada é rara nos colexios, se queredes saber algo máis sobre o tema aquí vos deixamos unha pequena información para lerdes na casa.

Coñecendo a Marta

A semana do 6 de outubro a nosa encargada foi Marta e pasámolo moi ben falando dela e da súa familia.
Mirade cantas cousas aprendemos de Marta.

Unha aventura matutina

Hoxe pola mañá na nosa clase pasou algo "singular". Que sería? Aquí vos deixamos a información e máis as fotos da nosa experiencia.

 

Coñecendo a Lucía

A semana pasada Lucía foi a nosa encargada de aula e isto permitiunos a todos coñecela máis e mellor a ela e á súa familia.
Lucía tróuxonos moitas fotos para ensinar, tamén nos trouxo o seu xoguete favorito, e o seu conto e a súa película favorita. Pasámolo moi ben vendo retais da súa vida e compartindo o tempo con ela e, ademais, tamén fomos coñecer ao seu irmán Jose que xa está en 1º de primaria.

Coñecendo a lucia from Silvia López

Os días da semana

Na nosa clase utilizamos moito as cancións para aprendermos cousiñas como podedes ir observando.
Outro dos contidos que aprendemos con cancións son os días da semana, mirade que cancións máis sinxelas á vez que útiles.

 

A miña cara redondiña

Unha das cancións que cantamos na nosa aula é esta:


Agardamos que vos guste. Xa que ademais axúdanos moito para aprendermos a debuxarnos.

Aniversarios de setembro

O xoves día 25 de setembro celebramos os aniversarios dos nenos/as que fixeron anos nese mes.
Pasámolo xenial cos outros nenos/as do colexio e decoramos unhas coroas moi chulas.
Parabéns a Diego, Mauro, Sara e Lola, que xa son maiores.

Período de adaptación

Agora que o Período de Adaptación xa rematou e estamos todos xa na escola xuntiños e a xornada completa, deixámosvos aquí unhas pouquiñas fotos para que vexades cantas cousiñas fixemos e que ben o pasamos.

Estes somos nós

...

Carapuchiña vermella

Hoxe no cole estivemos lendo o conto favorito de Lucía, que non é senón o de Caperucita Peppa. E despois de lelo estivemos vendo un vídeo de Carapuchiña vermella de Disney.
Agardamos que vos guste tanto como a nós.

Reunión de pais e nais

A filosofía do noso blog

Para todos aqueles pais que acaban de empezar a formar parte da nosa comunidade educativa e deste noso blog, deixámosvos aquí a explicación e causa do mesmo tal e como quedou recollido na Red de Buenas Prácticas 2.0 da que moi orgullosamente formamos parte.
Agardamos que así comprendades á perfección os principios que sustenta a elaboración deste blog.

Preme na imaxe para acceder

Fin do período de adaptación

Unha vez o Período de adaptación rematou xa asistimos toda a xornada lectiva á escola. A verdade é que hoxe custounos un pouquiño (a uns máis que a outros), pero co tempo iremos acostumándonos máis. Para celebrarmos este gran día a profe fíxonos entrega dun diploma a cada un. Que contentos marchamos para casa... mañá máis.

Os tres porquiños

Todo un clásico para gozar en familia. Só 8 minutos que aos nenos/as lle saben a pouco.

O noso horario

Aquí queda á vosa disposición o que vai ser o noso horario unha vez rematemos o período de adaptación, ou o que é o mesmo, a partires do vindeiro mércores día 24 de setembro.

Periodo de Adaptación

Queridas familias:
A adaptación dos vosos nenos e nenas ao Centro de Educación Infantil depende, en gran medida da seguridade e confianza que lle ofrezades dende o primeiro día.
Recordade que vai afrontar una nova experiencia, chea de emocións, medos, ansiedade e desexos, e necesita comprensión e cariño dos adultos. Por iso, non esquezades dicirlles con frecuencia, nestes días, o moito que os queredes e o orgullosos que estades dos seus pequenos triunfos.
Tede en conta que o traballo en equipo, a produción colaborativa e a socialización das experiencias son fundamentais á hora de afianzarnos neste camiño. E nel resulta indispensable contar coa participación das familias na vida escolar.
Xuntos construiremos un vínculo sólido entre o centro educativo e a comunidade.
Feliz adaptación á "escola de maiores".

Información ás familias

Aquí podedes ver o díptico informativo que se lle entregou ás familias co horario de incorporación durante o período de adaptación.

Inicio dunha nova etapa

Xa queda pouquiño de vacacións, dentro duns días volvémonos ver todos. Algúns xa nos deixan e pasan para a primaria e outros empezan con ilusión unha nova etapa educativa, esperemos sexa unha experiencia fantástica para todos eles; para os que chegan e para os que xa se van.
Benvidos os novos e deica sempre aos que agora xa non son "peques" ímosvos estrañar moitísimo, aprendemos un montón xuntos e pasamos moitos momentos felices e divertidos dentro e fóra do colexio.
Un bico enorme para todo vós.

Aloumiños 2014

E como todos anos para rematar o curso aquí vos deixamos a ligazón á nosa revista escolar en PDF para que aqueles que non puidestes comprala en papel, poidades vela en formato electrónico. 

Agardamos que vos guste.

Somos amigos

Agora que a sorpresa xa pasou deixámosvos aquí a presentación de fotos da canción que nos preparou a profe.

 
Somos Amigos from Silvia Puga López on Vimeo.

Fin de curso

E nesta última semana que xa custa moito traballar e ademais perdemos todas as nosas rutinas imos relaxarnos un pouquiño con estas cancións que tanto nos gustan na aula de 5 anos.

Imos ver un vídeos

E agora para seguir aprendendo máis sobre o espacio podemos ver uns debuxos animados.



 

 

O nosos sistema solar

Imos aprender máis cousas do noso sistema solar con axuda das novas tecnoloxías.

 

EL SISTEMA SOLAR from mariateresagarciasegura2

Algunhas cancións

Como recoñecer as constelacións

Estamos aprendendo cousiñas das constelacións.

Inventando contos

Hoxe na aula estivemos inventando contos por parellas e foi unha actividade moi moi interesante. Non é a primeira vez que o facemos nin será a última porque é unha tarefa que nos gusta moito e nos permite traballar moitas intelixencias e habilidades.
A profe estaba moi contenta con nós porque nos implicamos moito na actividade e ademais de moi motivados estabamos moi compenetrados e traballamos un montón.
Con este nivel de implicación a estas idades, o resultado final é o menos importante.

...

Deica pronto profe Iris

Como ben sabedes durante uns meses tivemos dúas profes na nosa clase, pero por desgraza unha deles deixounos no mes de marzo para continuar formándose. Aprendemos moito con ela e collémoslle moitísimo cariño, por iso a botamos moito de menos e lle preparamos unha festa de despedida e uns agasallos con axuda das nosas familias. Moitas grazas profe Iris por darnos tanto cariño e tanta entrega durante o tempo que estiveches connosco. Acaba pronto esa universidade que te queremos de novo no noso colexio canto antes.

...

Semana Cultural

Durante a Semana Cultural do noso colexio realizamos moitas actividades como contacontos, teatro de sombras, excursións, visitas guiadas, roteiros... algunhas fotos das actividades nas que nós participamos podedes velas na seguinte presentación de imaxes.

 Semana Cultural 2014 on PhotoPeach

Entrevista á doutora

Hai xa uns meses que estivemos traballando os medios de comunicación, pero aproveitando que estamos preparando unhas follas para a revista escolar sobre este proxecto estivemos vendo na aula algunha das cousiñas que fixemos daquela. Entre estas cousas está á visita ao centro de saúde no que nos aproveitamos para facerlle unha entrevista á doutora da vila.
Aquí vos deixamos dous pequenos audios de parte desa entrevista para que vexades que profesionais somos.

Adiviñas con flores

Como nos gustan moito as adiviñas e tamén nos gustan moito as flores, que mellor que xogar ás adiviñas coas flores. Apetécevos?



E non vos esquezade que como xa non é a primeira vez que traballamos as flores e as plantas, temos moitos recursos nas xanelas do lateral.

Semana das Letras Galegas

Esta semana conmemoramos no cole o Día das Letras Galegas coa nosa Semana Cultural. Para tal fin durante estes días imos ter unha sesión de contacontos, un teatro de sombras, algunha saída... e estamos traballando no colexio sobre a figura do autor ao que se lle dedica este ano o Día das Letras Galegas. Sabedes quen é?
Aquí  vos deixamos uns recursos que estivemos traballando na aula para tal fin.

Aquí podedes escoitar un dos seus poemas máis famosos: "esmeralda".