A educación dos nosos días

A EDUCACIÓN HOXE

O importante nas aulas é cultivar esa capacidade para buscar o que é significativo, e estar sempre dispostos a cuestionar se estamos no camiño correcto. Diso, é do que debe tratar a educación, xa sexa usando computadores e Internet ou lapis, papel e libros. Noam Chomsky

Ilustración de Quino

Salón do libro

Esta fin de semana inaugurouse en Pontevedra o Salón do Libro Infantil e Xuvenil.
Durante a  súa celabración (do 2 ao 23 de marzo) realízanse numerosas actividades para os máis pequenos (contacontos, obras de teatro, concertos...) ademais dunha exposición permanente de traballos escolares e de numerosos libros.
Dende aquí quero convidarvos a todos a visitala porque é moi enriquecedora para os nenos e nenas, e se podedes botádelle unha ollada antes ao programa para ver que actividades vos interesan máis; podedes acceder á programación en www.salondolibro.org ou premendo na seguinte imaxe.

A importancia do xogo "ao natural"

Aquí vos deixo unha pequena reflexión dunha gran profesional sobre a importancia do xogo para as nenas e nenos e sobre cales son os xogos que lles debemos formular na infancia.

Jugar con el cuerpo, con el corazón

View more presentations from Silvia López.

Dereitos dos nenos e nenas

Máis que dereitos eu diría necesidades, pero aquí vos deixo unhas reflexións moi interesantes de Gianfranco Zavalloni.

DEREITOS NATURAIS DAS NENAS E DOS NENOS.


Dereito ao lecer. A vivir momentos non programados polos adultos.
Dereito a lixarse. A xogar con area, terra, herba, follas, auga, ramas e pedras.
Dereito aos olores. A percibir o olor e a recoñecer os perfumes da natureza.
Dereito ao diálogo. A escoitar e a tomar a palabra, a dialogar.
Dereito a usar as mans. A cravar cravos, a serrar, a pegar, a modelar a arxila, a atar cordas, a encender un lume.
Dereito a un bo comezo. A comer comida sa dende o nacemento, a beber auga limpa e a respirar aire puro.
Dereito á rúa. A xogar libremente nas prazas, a andar pola rúa.
Dereito ao salvaxe. A construír un refuxio no que xogar no bosque, a ter canaverais nos que esconderse, árbores ás que trepar.
Dereito ao silencio. A oír o vento que sopra, o canto dos paxaros, o decorrer da auga.
Dereito aos matices. A ver saír e porse o sol, a ver de noite a lúa e as estrelas.
Gianfranco Zavalloni