Pés descalzos

O outro día na escola estivemos xogando cos nosos pés e experimentando con eles, para andar descalzos, para falar con eles, para disfrazalos, convertelos en personaxes de conto... foi moi divertido.
Aquí vos deixamos as fotos, agardamos que vos gusten.

Sesión de masaxes

O mércores fixemos a nosa particular sesión de masaxes e gustounos moito.
Todos os nenos/as traballaron moi ben e preocupáronse porque a súa parella gozase o máis posible da masaxe.
Ademais vestímonos e espímonos nós sós. A iso se debe que tivésemos algúns problemiñas coa roupa despois; se alguén ten algo na súa casa que non sexa del que o traia á escola canto antes para poder devolverllo ao dono. Moitas grazas.
Por razóns evidentes non vou colgar aquí as fotos, se algún papá ou mamá está interesado en velas avisádeme e envíovolas.

Que importante é poder ver

O martes na escola estivemos "xogando" a cegos e lazarillos. Foi unha experiencia moi enriquecedora, xa que cando non se ve é difícil andar, e máis aínda correr como querían os nosos compañeiros/as.
Despois de intentar pasear polo colexio coa axuda do noso "lazarillo" e de non levar demasiados golpes, estivemos facendo un debuxo da sesión, e máis tarde xogamos a adiviñar que eramos só polo sentido do tacto, sen vista nin oído.
Aquí vos deixamos unhas fotos da sesión.
 cegos e lazarillos on PhotoPeach

Xogando a pensar con arte

Hoxe na nosa clase de Xogar a Pensar con Arte estivemos vendo, falando, pintando, divagando... sobre un cadro de Francisco de Goya: La maja desnuda.
Foi moi interesante e apendemos moito.

Máis vídeos do corpo

Aquí vos deixamos outro vídeo moi interesante sobre o corpo humano que estivemos vendo hoxe.

 

Día internacional do libro infantil

O Día Internacional do Libro Infantil celébrase, dende 1967, o 2 de abril con actividades dirixidas a fomentar a lectura entre o público máis pequeno.
Esta efemérides recorda o nacemento do escritor danés Hans Christian Andersen, autor de algúns dos contos infantís máis célebres da historia. Con motivo desta conmemoración cada ano un país membro do IBBY elabora o cartel anuciador cunha mensaxe dirixida a todos os nenos e nenas do mundo; este é o deste ano.

Algúns dos contos de Andersen que hoxe imos ler ou ver na nosa aula para celebrar esta data tan importante son: o parruliño feo, o soldadiño de chumbo, o traxe novo do emperador, a raíña das neves, o abeto, a sereíña...

Príncipes e princesas

A próxima semana a nosa encargada vainos falar de príncipes e princesas, así que para ir dándolle unha visión distinta a habitual aquí temos algunhas versións distintas das mesmas historias. Porque os anos pasan e os príncipes e as princesas tamén.

 

El Principe Ceniciento from isabel Nieto

A lavar os dentes

Hoxe tivemos unha visita na nosa clase, veu compartir con nós a súa experiencia Kati, que é hixienista dental.
Kati estivo falando moito connosco dos dentes, das moas, do Ratón Perez e de como coidar os nosos dentes para que non teñan caries.
Encantounos a visita e aprendemos un montón.

O tensiometro

Hoxe o noso amigo Iker tróuxonos un tensiómetro e estivémolo probando, pasámolo xenial e mirade os nosos resultados.
Resulta que todos estamos ideais, menos Pablo e a profe que están un pouco altos e máis algúns nenos que parece ser que teñen arritmias, segundo o noso tensiómetro.

Os sete barbudos

Hoxe fomos ao teatro para ver a posta en escea do conto "Os sete barbudos".
Gustounos moito a experiencia, se ben non sabemos que nos gustou máis, se o teatro en si ou o feito de ir en autobús.
O único problema que tivemos foi que a nosa amiga Xiana vomitou no autobús, e que merendamos tardísimo e tiñamos moita fame.
Mirade se non gustou ir ao teatro que ata estamos dispostos a volver a dar ese longo paseo para volver coller o autobús aló arriba.