TÍTERES

Co motivo da celebración da semana Letras Galegas (que este ano ten coma protagonista a Antón Fraguas) e recordando que moi preto de nós, en Redondela estase a celebrar o XX festival de títeres, levamos a cabo un obradoiro de títeres de moscas!
pero... por que de moscas?

Aquí vos deixamos un poema do homenaxeado:

UNHA PULGA E UNHA MOSCA 

TRATARON DE SE CASAR

 FIXERON AS BOLAS XUNTOS

 E FALTÁBALLES O PAN. 

SAÍU A FORMIGA 

DO SEU FORMIGUEIRO 

-SE QUEREDES PAN

 EU SON PANADEIRO. 

-AGORA MENIÑA 

PANCIÑO XA TEMOS

 FÁLTANOS O VIÑO 

ONDE O TOPAREMOS?

O CONTO DA NAI DE MAURO.

Hoxe veu a nai de Mauro a lernos só un conto, porque aínda que trouxo dous, Mauro quixo lérnolo el e fíxoo moi ben.

Estaba tan bo día que aproveitamos a sombra debaixo do noso salgueiro chorón, encantounos a experiencia e se o tempo o permite farémolo máis veces.

Moitas grazas por vir a compartir con nós este ratiño.

VERMES DE SEDA

Todos os días limpamos, alimentamos e observamos as nosas pequenas mascotas pero...crecen moi rápido!

OS AVÓS DE ÉRIC.

Por fin chegou o día, a Éric facíalle moitísima ilusión que viñeran os seus avós a lernos un conto, e onte puideron vir o avó Toni e a avoa Tere, cada un co seu conto; gustáronnos moitos e pasámolo moi ben.

Moitísimas grazas por vir a pasar con nos este momento de lectura compartida.

O CONTO DE ANDREA SEOANE.

Hoxe viñeron os pais de Andrea S. a lernos un conto chulísimo sobre os irmáns maiores que nos encantou porque tiña moitos sons; tamén trouxeron outros libros onde buscamos animais, a Wally...
Pasámolo moi ben e xa estamos desexando que veña outra familia.

Moitísimas grazas por vir.

OBRADOIRO DE PRIMAVERA

Como xa sabedes,  este ano estamos a facer varios obradoiros interniveis, e hoxe foi o turno do Obradoiro de Primavera; ademais de probar novos alimentos, aprender moitas cousas desta estación,  o que queremos fomentar é a colaboración entre as distintas idades.

Aqui tendes unha mostra do ben que o pasamos.

VERMES DE SEDA

Este trimestre, entre outras moitas cousas, estamos a traballar os vermes de seda; ademais de alimentalos e limpalos cada día, tamén os medimos, observámolos coa lupa, contámolos...

Lectura coa familia de Mariña.

O luns tivemos a visita da primeira familia que se animou a lernos un conto; viñeron a mamá de Mariña e o seu irmán con un libro precioso sobre a vida de Frida Kahlo; encantounos pasar con eles a hora da lectura e aprendemos moitas cousa desta marabillosa pintora mexicana.

Moitísimas grazas por vir.

ANIVERSARIOS ABRIL

Coma sempre celebramos os aniversarios do mes correspondente. Neste caso os homenaxeados eran Izan e María.
Izan convidou a todos as suas amigas e amigos a biscoito e gusanitos, María non nos puido acompañar pero tamén nos acordamos dela.
Felicidades chicos!!!!!!

A ROSCA DE MATEO

O amigo Mateo preparou coa súa avoa unha rosca para compartir cas amigas e amigos na aula. Estaba boísima, a comimos enteira, non quedaron nin as migallas.