Revista escolar.

Aquí vos deixamos unha ligazón á nosa revista escolar para que a poidades ver a toda cor.

Preme na imaxe para acceder

A nosa maleta

Despois de pasar por todas as nosas casas, a nosa maleta viaxeira voltou ao colexio.
Aquí tedes as nosas producións, que fixemos con axuda dos nosos papás e mamás.

Fin de curso

A estas alturas de curso necesitamos un pouquiño de desconexión e relax.
Agardo que vos guste peques.

Ensaios do festival

Nestes últimos días de curso estamos inmersos na preparación da nosa actuación no festival e na elaboración das nosas carpetas para levar á casa.
Aquí vos deixamos un par de fotos dos nosos ensaios, pero só dúas que non queremos estragar a sorpresa.

Xa temos crisalida

Por fin a nosa eiruga se converteu en crisálida. É moi bonita, e agora está como durmida así que a profe non nos deixa estar moito con ela.

Xornada de portas abertas

O luns día 3 de xuño viñeron ao noso colexio os nenos/as que van empezar no "cole dos maiores" o próximo curso e nós recibímolos cos brazos abertos.
Xogamos moito con eles e ensinámoslle cousiñas do noso colexio, ademais deunos tempo a pintar, a xogar e a merendar todos xuntos antes de ir ao patio.

Fomos noticia

Estaba a profe lendo o xornal e mirade o que atopou. Espero que vos guste
Premede na imaxe para ver máis e para vela máis grande.

Como medra a nosa Machaon

Pouco a pouca a nosa eiruga vaise volvendo máis e máis fermosa.
Hoxe na nosa clase estivemos vendo unhas fotos de como vai ir medrando ata ser unha bolboreta fermosísima, aquí vos deixamos a ligazón por se queredes volver velas na casa.
http://observandolanaturaleza.blogspot.com.es/2012/05/ciclo-de-la-papilio-machaon.html

Mirade como medra Bonita

Xa sabemos de que se alimenta "bonita"

Despois de moito preguntar e investigar descubrimos o que come a nosa eiruga.
Non só come fiúncho (que foi onde nós a atopamos) senón que tamén come follas de cenoria ou ruda.